7 ildir şəkər xəstəsi olan əməkdar artist: “Qorxuram ki, birdən...”

“Bu günə qədər ifa etdiyim mahnılarım itib-batmaq təhlükəsi ilə üz-üzə qalıb. Hazırda buna görə nə tədbir görəcəyimi özüm də bilmirəm”.

Bu sözləri Lent.az-a əməkdar artist Kəmalə Rəhimli bildirib: “7 ildir şəkər xəstəliyindən əziyyət çəkirəm. Xəstəliyimlə əlaqədar bir çox tədbirlərdən uzaq düşdüm. Çox təkliflərə yox dedim. Hətta bu yay 1 saylı xəstəxananın kardiologiya şöbəsində də müalicə aldım. Hazırda da ev şəraitində müalicədəyəm. Sağlamlığımla yanaşı xeyli zamandır ki, məni bir məsələ narahat edir. Bu səbəb illər öncə ifa etdiyim mahnıların sosial şəbəkəyə yerləşməsidir. Səhnə fəaliyyətim dövründə Azərbaycan Televiziyasının fondunda da bir çox mahnılarım yazılıb. Hələ bir çox lent yazılarım da evdə saxlayıram. Ürək edib, o kasetləri kiməsə verə bilmirəm. Çünki, insanlara inanmıram. Qorxuram ki, birdən kasetimi götürüb, qaytarmazlar”.