Koronavirus olduğu üçün aprelin 15-də xəstəxanaya yerləşdirilən müğənni Xatirə İslam və onun həyat yoldaşı Fəxrədddin Musazadədən xəbər var.
Bakı Sağlamlıq Mərkəzindən Lent.az-a verilən məlumata görə, hər iki şəxsin vəziyyəti normaldır:
“Xatirə xanımın vəziyyəti yaxşıdır. Yoldaşı Fəxrəddin bəyin vəziyyəti isə yaxşılığa doğru irəliləyir. Xəstəliklərinə uyğun müalicələri davam etdirilir. Onların nə vaxt evə buraxılacağı hələ dəqiq deyil".
Qeyd edək ki, aprelin 16-da Bakı Sağlamlıq Mərkəzindən Lent.az-a verilən məlumatda X.İslamın səhhətinin orta ağırlıqda, F.Musazadənin vəziyyətinin isə ağır olduğu bildirilmişdi:
“Sevilən müğənnimiz Xatirə (İslam) Əzizova və həyat yoldaşı Fəxrəddin Musazadə dünən gecə Bakı Sağlamlıq Mərkəzinin İnfeksion COVID-19 şöbəsinə “Viral pnevmoniya” diaqnozu ilə qəbul edilib. Xatirə Əzizovanın vəziyyəti orta ağırlıqda, Fəxrəddin Musazadənin vəziyyəti isə ağır olaraq qiymətləndirilir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
