Xalq artisti Mənsum İbrahimov, Gülü
10:31 7 aprel 2021

Xalq artisti Mənsum İbrahimov, Gülü

Koronavirus olan Gülü Xalq artistini qucaqladı - MASKA TAXMADI ... - VİDEO

Aprelin 6-da Xalq artisti Rəmişin (Rafiq Hüseynov) vida mərasiminə bir çox tanınmış sənət adamı qatılıb.

Lent.az xəbər verir ki, mərasimə gələn Xalq artisti Mənsum İbrahimovu Rəmişin koronavirusa yoluxan xanımı Gülü (Gülşən Hüseynova) qucaqlayaraq ağlayıb. Gülünün maskadan istifadə etməməsi və xanəndə ilə sosial məsafəni qorumaması sosial şəbəkədə müzakirə edilib.

Onu da əlavə edək ki, M.İbrahimov Rəmiş xəstəxanada müalicə olunan zaman onu ziyarət edib. Ziyarətdən şəkillərini sosial şəbəkədə paylaşan xanəndə bununla bağlı vida mərasimində Lent.az-a açıqlama verib:

“Rəmişi xəstəxanada 20 gün əvvəl ziyarət etdim. Onda xroniki ağciyər iltihabı var idi, halı olmurdu. Son günlər isə koronavirusa yoluxub. Virus xəstəliyini şiddətləndirib".

Qeyd edək ki, Gülü (Gülşən Hüseynova) ötən gün açıqlamasında koronovirusa yoluxmadığını deyib. Onun açıqlamasına cavabı Bakı Sağlamlıq Mərkəzi Lent.az vasitsəi ilə verib: 

“Gülü Hüseynova koronavirus xəstəsidir və onun insanlar üçün təhlükəli olması barədə TƏBİB-ə məlumat verilib. Məlumatda COVID -19 xəstəsinin xəstəxananı tərk etdiyi bildirilib. Həm bizim xəstəxanada, həm də TƏBİB-in klinikalarında Xalq artisitinin və həyat yoldaşının koronavirus testi  müsbət çıxıb. Hər ikisi COVID xəstəsi olub və xəstəxananın COVID bölməsinə yerləşdiriliblər.

Biz daha dəqiq nəticə əldə etmək üçün martın 29 və aprelin 3-də götürülən yaxma və analizi TƏBİB-in “Yeni klinika”sına göndərdik. Cavab yenidən müsbət çıxdı”.

Xalq artisti Mənsum İbrahimov, Gülü

# 7596
avatar

Yalçın UĞUR

Oxşar yazılar