Kilo almış 7 top model  - Onlar bundan utanmırlar
06 dekabr 2023 14:08 (UTC +04:00)

Kilo almış 7 top model - Onlar bundan utanmırlar

Model biznesi həmişə gözəllik standartlarını diktə edib. Həddən artıq arıq olan modellərin xarici görünüşü bir çox xanımları kompleksə salır. İdeal fiqura uğrunda çoxları öz bədəni və sağlamlığı ilə mübarizə aparır.

Lakin hətta ən şöhrətli və varlı modellər belə xarici görünüşlərini həmişə qoruyub saxlaya bilmirlər.

 Lent.az kökəlsə belə, öz yeni bədən formasından utanmayan, əksinə bunu nümayiş etdirən 7 top model barədə məlumat verir.

Bu sırada birinci yerdə Adriana Lima dayanır. O övladı dünyaya gəldikdən sonra xeyli kilo alıb.

Cemma Uord sevgilisi Xit Ledcerin ölümündən sonra  depressiyaya düşüb kilo aldı. Lakin model biznesində hələ də sevilən simadır.


 

 

1990-cı illərin ən  tanınmış modeli Linda Evangelista xəstəlik səbəbi ilə kilo alıb. O artıq piyləri çəkdirsə də, əks effekt alıb və daha çox piy toplanıb. Model güzgüyə baxanda əziyyət çəkdiyini bildirib.

 Kelli Bruk karantin dövründə kökəlib. Həm də bildirib ki, daha 20 yaşlı qız deyil, kökəlmək təbii prosesdir.

Keyt Moss tənqidlərə baxmayaraq öz sellülitlərindən və kilolarından keyf aldığını deyib.

Krissi Teyqen övladı olduqdan sonra kökəlməsini dərd kimi qarşılayıb. Lakin indi bədəni ilə barışdığını bildirir.

Tayra Benks 13 kilo çəki aldıqdan sonra belə diet və məşqlərlə özünə əzab verməyib. “Özümü hər halımla sevir və qəbul edirəm” deyib.

# 4857
avatar

İlhamə HƏKİMOĞLU

Oxşar yazılar