Fanatı tanınmış aktrisanın milyon dollarlıq EVİNİ YANDIRDI

Dünyaca tanınmış model və aktrisa Kara Delevinnin evi yandırılıb.

Lent.az xarici mediaya istinadən xəbər verir ki, aktrisanın Los-Ancelesdəki bu evinin qiyməti milyonlarla dollardır. Dünən baş vermiş yanğında malikanə demək olar ki, tamamilə yanaraq kül olub.

Yanğının söndürülməsi üçün 100-ə yaxın yanğınsöndürən iştirak edib.

Məşhur modelin yaşadığı hadisədən şoka düşdüyü deyilir. Bildirilir ki, aktrisa yanğın zamanı işlə bağlı Londonda olub. O, iki pişiyini və evin baxıcısını xilas edən yanğınsöndürənlərə təşəkkür edib.

Kara Delevi İnstaqramda hadisəni və pişiklərinin şəklini paylaşaraq bunları yazıb:

“Bu gün ürəyim ağrıdı... Buna inana bilmirəm. Həyat bir anda dəyişə bilər. Əldə olanların qədrini bilin”.

İlkin iddialara görə, hadisəni aktrisanın fanatı olan bir şəxs edib. Belə ki, uzun illərdir həmin şəxsin Kara Delevini narahat etdiyi bildirilir.