Aparıcı Tural Əsədov
23 aprel 2021 10:55 (UTC +04:00)

Aparıcı Tural Əsədov

Aparıcı Səhiyyə Nazirliyini TƏNQİD ETDİ: "Qiyməti 60-90 manatdır"

Bir müddət öncə koronavirusa yoluxan aparıcı Tural Əsədov Səhiyyə Nazirliyini tənqid edib. Lent.az xəbər verir ki, aparıcı  “Səhər Mərkəzi” verilişində bu sözləri vurğulayıb:

“Koronavirusa yoluxmuşdum. Birinci gün özümü narahat hiss etdim, təcili yardıma zəng vurdum. Evə gəlib test götürdülər, cavab pozitiv çıxdı. 14 gün evdə müalicə aldım. 5-6 gün hərarətim var idi, 39-a qədər yüksəlirdi. Antibiotik içmədim, ancaq vitamin qəbul edirdim. Səhiyyə Nazirliyi evdə müalicə alanlar üçün xüsusi dərman dəsti göndərməlidir. Amma sahə həkimi bunu mənə demədi. Siz də tələb edin. Dərmanlar barədə araşdırın. Dünən zəng vurub bu barədə soruşdum. Mənə dedi ki, dərman dəsti imtiyazlı ailələr üçündür.

Mənə maraqlıdır, həkim telefondan mənim imtiyazlı olduğumu necə anladı? Xəstəsizsə, həkiminizdən dərmanları tələb edin. Həmin dərmanların qiyməti 60-90 manatdır. Haqqınızı tələb edin. Daha sonra vəziyyət modul tipli xəstəxanalarda pulla yer almağa qədər gəlib çıxır”.

Qeyd edək ki, T.Əsədov artıq koronavirusdan sağalıb.

# 4776
avatar

Yalçın UĞUR

Oxşar yazılar