İntellektual nəqliyyat sistemləri Koreyada müzakirə olunacaq
13 sentyabr 2010 10:47 (UTC +04:00)

İntellektual nəqliyyat sistemləri Koreyada müzakirə olunacaq

Gələn həftə Koreyada Dünya İntellektual Nəqliyyat Sistemləri Konqresinə hazırlıq iclası keçiriləcək. İclasda Azərbaycanın tərəfinin nümayəndələri də iştirak edəcək.

Nəqliyyat Nazirliyindən Lent.az-a bildiriblər ki, iclas oktyabrın 25-dən 29-dək Koreyanın Busan şəhərində keçiriləcək konqresin gündəliyinin yekun variantının müzakirəsinə həsr olunacaq. Oktyabrın 25-də keçiriləcək konqresdə isə dünyanın inkişaf etmiş ölkələrində mövcud olan intellektual idarəetmə sistemlərinin təcrübəsi nəzərdən keçiriləcək, yeni texnologiyaların tətbiqi müzakirə olunacaq. Tədbirdə nəqliyyat naziri Ziya Məmmədov da iştirak edəcək.

Xatırladaq ki, Bakı şəhərində nəqliyyatın intellektual idarəetmə sisteminin Koreyanın Seul şəhərinin təcrübəsi əsasında tətbiq ediləcək. Bu sistemin yaxın vaxtlarda reallaşdırılması nəzərdə tutulur.

Elxan SALAHOV
# 482

Oxşar yazılar