Bakı-London aviareysi təxirə salınıb
17 may 2010 12:30 (UTC +04:00)

Bakı-London aviareysi təxirə salınıb

İslandiyada vulkan püskürməsi nəticəsində yaranan təkrar kül dumanı Bakı-London marşrutu üzrə aviareysin təxirə salınmasına səbəb olub.



Bakı-London marşrutu üzrə uçuşları yerinə yetirən BMI şirkətinin («British Airways» aviaşirkətinin regional bölməsi) Bakı ofisindən «APA-ECONOMICS»ə verilən məlumata görə, sözügedən marşrut üzrə bugünkü aviareys saat 12:55-də yerinə yetirilməli olsa da, məlum səbəbdən təxirə salınıb: «Biz Bakı-London üzrə uçuşları həftənin bütün günləri yerinə yetiririk. Lakin bugünkü reysin nə vaxt yerinə yetiriləcəyi hələ məlum deyil».


Qeyd edək ki, Bakı-London-Bakı marşrutu üzrə bir aviabiletin qiyməti 881 manat təşkil edir.


Xatırladaq ki, hər həftənin II, IV və VI günləri Bakı-London marşrutu üzrə həmçinin «Azərbaycan Hava Yolları» QSC (AZAL) də uçuşlar yerinə yetirir.
# 487

Oxşar yazılar