Yuri Syomin "Sport-Express”ə “Qəbələ”dən danışdı - MÜSAHİBƏ

"Qəbələ" klubunun baş məşqçisi Yuri Syomin Rusiyanın "Sport-Express.ru" qəzetinə müsahibə verib.

- Rusiya və Ukraynadakı uğurlardan sonra Azərbaycanda işləriniz necə gedir?

- Normal gedir. Üstəlik daha əvvəl Azərbaycanda ruslara qarşı münasibət necə yaxşı idisə, elə də qalıb. Burada əvvəlki kimi rus dilin çoxları bilir. Buna baxmayaraq, komandada tərcüməçi də var ki, ehtiyac yarandıqda gənc futbolçulara məlumat çatdırır. Bax, onlar rus dilini tam bilmirlər.

Nəticə qazanmaq hər yerdə çətindir. Kimsə Azərbaycanda çempionluq yaşamağın asan olduğunu düşünürsə, bu yanlış fikirdir. Burada elitar məşqçilər çalışır. Bir müddət əvvəl Con Toşakın Lənkəran karyerası başa çatdı. Onda burada heç nə alınmadı.

- Niyə?

- Azərbaycan Premyer Liqası kifayət qədər çətindir. 10 komanda 4 dövrədə mübarizə aparır. Burada asan oyun yoxdur. Çempionatın liderləri “Neftçi” ilə “Qarabağ” hər il çempionluq uğrunda mübarizə aparır. İndi biz də bu mübarizəyə qoşulmuşuq. Hələ onlarla ayaqlaşa bilirik. Liderdən cəmi 1 xal geridəyik.

- Keçək Rusiya futboluna. Qurban Berdıyevin “Rubin” klubundakı istefasını necə şərh edərdiniz?

- Berdıyev təkcə Kazan üçün deyil, Rusiya futbolu üçün böyük işlər görüb. Onun işinə böyük hörmətlə yanaşıram. Komandanı I dəstədən çempionluğa daşımaq hər kəsə nəsib olmur. Bu gün hamı “Rubin”ə hörmət edir. Onun istefasına gəlincə isə bütün məşqçilərin belə dövrləri olub. Mənim “Lokomotiv”də, Oleq Romantsevin “Spartak”da.

- Kazan təmsilçisinin sizə maraq göstərməsi xəbəri nə dərəcədə doğrudur?

- “Rubin” rəhbərliyi qarşısında indi hansı yolla getməklə bağlı çox çətin seçim var: “Spartak” Romantsevdən sonra indiyədək heç nə qazana bilmir. CSKA və “Lokomotiv”də də oxşar vəziyyət olub. Burada çox şey rəhbərlərin namizədlərin arasında aparacağı seçimdən asılı olacaq. Belə namizədlər isə çoxdur.

Mənim də soyadım orda var? Niyə də olmamalıdır ki? Rusiyada, Ukraynada çempionluq qazanmışam, kubokun sahibi adına yiyələnmişəm. İndi də Azərbaycanda çempionluq uğrunda mübarizə aparacağıq. Mən bunu belə şərh edəcəm.

- Q.Berdiyev başqa Rusiya klubunu çalışdıra bilər?

- Əlbəttə. İndi deyirlər ki, “Rubin”də sistem var idi və hər şey buna uğun gedirdi. Amma həmin sistemi Berdıyevin özü qurub axı. Lazım olanı edirdi və nəticə qazanırdı. Əminəm ki, Berdıyev hələ bir çox komandaya fayda verəcək.

- Qışda Rusiyadan təklif alsanız, “Qəbələ”dən ayrılacaqsınız?

- Bu təxribatı sualdır. Mənim rəhbərlərim var, onlarla münasibətlərimiz yaxşıdır. Buna görə gəlin tələsməyək.

(qol.az)