Şahmat üzrə Azərbaycan milli komandası Polşanın paytaxtı Varşavada qazandığı Avropa çempionluğunu hazırda müalicə olunan yığmamızın sabiq üzvü Vüqar Həşimova həsr edib. Lent. az-ın məlumatına görə, bu barədə millimizin aparıcı şahmatçısı Şəhriyar Məmmədyarov şəxsi “facebook” səhifəsində yazıb.
O, 2009-cu ildə qazandıqları ilk Avropa çempionluğu ilə müqayisədə, bu dəfə Həşimovun heyətdə yer ala bilməməsindən təəssüfləndiyini bildirib: “O, hər zaman bizimlədir. Biz də bu qələbəmizdə onun adını və özünü görürük. İlk dəfə Avropa çempionu olanda o, bizimlə idi. Amma heyf ki, indi o, bizim yanımızda ola bilmir, bunun bəzi səbəbləri var. Amma qoy, bütün şahmatsevərlər bilsin ki, Vüqar hər zaman bizimlədir və onun əvəzi yoxdur. Bu çempionluqda da o bizimlədir. Hər şeyə görə çox sağ ol, Vüqar Həşimov!”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
