Tərlan Əhmədov istefasından mətbuat konfransında xəbər tutdu
23 oktyabr 2013 18:08 (UTC +04:00)

Tərlan Əhmədov istefasından mətbuat konfransında xəbər tutdu

“Neftçi” klubunun baş məşqçisi Tərlan Əhmədov istefaya göndəriləcəyindən “Xəzər Lənkəran”la Azərbaycan Superkuboku matçından sonrakı mətbuat konfransında xəbər tutub. Lent.az-ın əməkdaşı gənc mütəxəssisə klub prezidenti Sadıq Sadıqovun saytımıza açıqlamasını xatırlatdıqdan sonra Əhmədov bu barədə məlumatsız olduğunu deyib.

O, klub rəhbərliyinin qərarını normal qarşılayıb: “Baş məşqçi gəldiyi kimi nə vaxtsa gedəcəyini anlamalıdır. Onun çamadanı yanında olmalıdır. Bu baxımdan, istefaya göndəriləcəyimi normal sayıram”.

Əhmədov 1:2 hesabı ilə uduzduqları matçda komandasını tanıya bilmədiyini də vurğulayıb. O, Topaz Premyer Liqasının son matçları ilə müqayisədə “Neftçi”nin zəif çıxışının səbəbini anlaya bilmədiyini açıqlayıb.

# 1407
avatar

Oxşar yazılar