Şahmat üzrə Dünya Kuboku başladı

Şəhriyar Məmmədyarov qalib gəldi, Teymur Rəcəbov, Vasif Durabəyli xalları böldü, Eltac Səfərli məğlub oldu

Avqust 11-də Norveçin Tromse şəhərində Dünya Kuboku start götürüb.

Azərbaycan Şahmat Federasiyasından Lent.az-a verilən məlumata görə, Dünya Kubokunda 128 şahmatçı qələbə uğurunda mübarizə aparır.

Azərbaycanı Dünya Kubokunda Şəhriyar Məmmədyarov, Vasif Durarbəyli, Teymur Rəcəbov və Eltac Səfərli təmsil edirlər. İlkin mərhələdə Şəhriyar Məmmədyarov misirli şahmatçı S.Şokeri məğlubiyyətə uğradıb. Teymur Rəcəbov Peru şahmatçısı J.Cori , Vasif Durarbəyli Ukrayna şahmatçısı A.Korobovla xalları yarı bölüb. Eltac Səfərli isə Misir şahmatçısı B. Aminə məğlub olub.

Dünya Kubokunda 1-ci və 2-ci yeri tutan şahmatçılar iddiaçılar turnirinə vəsiqə qazanacaqlar. Yarış 7 raunddan ibarət olmaqla, olimpiya sistemi ilə keçirilir və sentyabrın 3-də başa çatacaq.