İspaniyanın “Real Madrid” klubunun futbolçusu Kriştianu Ronaldu FİFA prezidenti Yozef Blatterin üzr istəmək üçün ona zəng etməsi barədə xəbərləri təkzib edib. Lent.az-ın məlumatına görə, portuqaliyalı hücumçu “Marca”ya açıqlamasında telefondan istifadə etmədiyini bildirib.
Ronaldu deyib: “Mənim ümumiyyətlə telefonum yoxdur. Katibimdə var, amma mən yararlanmıram. Ümumiyyətlə, məni kimin kimə zəng etməsi az narahat edir”.
Ulduz futbolçu Alfredo Di Stefano adına mükafatı almağı özü üçün daha vacib sayıb: “Di Stefano mənə böyük şərəf verərək, o mükafatı şəxsən təqdim edib. Çox şadam. Bax bu, mənim üçün həqiqətən də vacibdir”.
Qeyd edək ki, Kriştianu Ronaldu 2012-2013-cü il mövsümündə ölkə çempionatının ən qiymətli oyunçusu sayılıb. “Real Madrid”in fəxri prezidenti Alfredo Di Stefanonun adını daşıyan mükafatı ona şəxsən səbəbkar təqdim edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
