Braziliya milli komandasının futbolçusu Neymar İspaniya “Barselona”sının heyətində ilk qolunu vurub. Lent.az-ın məlumatına görə, 21 yaşlı hücumçu Madriddəki “Visente Kalderon” stadionunda “Atletiko” ilə ilk İspaniya Superkuboku matçında fərqlənib.
Oyunda hesabı 12-ci dəqiqədə sabiq “Barsa”lı David Vilya açıb. Kataloniya təmsilçisi 66-cı dəqiqədə bərabərlik qolunu vura bilib. Neymarın zərbəsi dəqiq olub. Görüş elə 1:1 hesablı heç-heçə ilə nəticələnib. Cavab görüşü avqustun 28-də Barselonada olacaq.
Madriddəki oyunun ilk yarısında “Barsa”nın forvardı Lionel Messi baldırından zədə alıb və fasilədə əvəzlənib. Onun durumuna avqustun 22-də tibbi müayinədən sonra aydınlıq gələcək.
Qeyd edək ki, Neymar iyunun əvvəllərində “Barselona” ilə 5 illik müqavilə bağlayıb. O, Braziliya “Santos”undan 57 milyon dollara alınıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
