Messi təkzib edir

İspaniya «Barselona»sının ulduzu Lionel Messi komandanın yeni baş məşqçisi Herardo Martino təyinatında rolu olmadığını bildirib.

Lent.az-ın xarici informasiya vasitələrinə istinadən məlumatına görə, o, yeni baş məşqçi ilə tanış olmadığını da vurğulayıb.

Bununla belə o,bildirib ki, Martinini yaxşı məşqçi sayır: «Mən bunu onun Paraqvayın yığmasında və Argentinanın «Nyuells old Boys» klubunda qazandığı uğura əsasən söyləyirəm».

Yerli KİV-in yazdığına əsasən, Herardo Martino Messinin atasının kumiridir. Çünki o, ata Messinin doğma klubunun məşqçisi olub. Bu səbəbdən də KİV ehtimal edir ki, onun təyinatında Lionel Messi də iştirak edib.

Xatırladaq ki, 2010-cu ilin dünya çempionatında o, Paraqvayı dörddə bir finala çıxarıb, 2011-ci ildə isə onun başçılıq etdiyi bu yığma Amerika Kubokunun finalında oynayıb.

«Nyuells Old Boys» isə 2013-cü ildə Argentina çempionu olub.