Təbrizin Səhənd adına stadionunda yerli «Traktor» klubu ilə Xuzistanın «Fulad» komandası arasında futbol üzrə İran birinciliyin növbəti mərhələsinin oyunu keçirilib.
Lent.az-ın məlumatına görə oyunun 36-cı dəqiqəsində hakim qonaqların xeyrinə şübhəli 11 metrlik cərimə zərbəsi təyin edib. «Fulad»-ın oyunçusu Lusyana Perira cərməni uğurla yerinə yetirdikdən sonra sonra tərbiyəsiz hərəkətə yol verib və topu tamaşaçılara tərəf vurub. Bu isə «Traktor» tərəfdarlarının etirazını daha da artırıb.
Onlar hakimə öz etirazlarını əllərində pul tutmaqla bildiriblər. Bununla da hakimin pula alındığına işarə ediblər.
Oyun 2 : 2 hesabı ilə sona çatsa da, «Traktor»-un həyəcanlı tərəfdarları coşqulu şüarlar söyləyiblər: «Yaşasin Azərbaycan!», «İran federasiyası – Azərbaycanın düşməni!» və «Azərbaycan var olsun – İstəməyən kor olsun!».
Yarışı 50000 yaxın tamaşaçının izlədiyi bildirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
