Azərbaycan milli komandasının baş məşqçisi Berti Foqts Dövlət Sosial Müdafiə Fonduna (DSMF) vergi ödəmədiyi barədə məsələyə aydınlıq gətirib. Lent.az-ın məlumatına görə, Foqts belə açıqlamaların həqiqətə uyğun olmadığını bildirib.
O deyib: “Mən bütün vergiləri ödəmişəm. Belə olmasaydı, işçi vizası ala bilməzdim. Mənim AFFA ilə müqaviləm FİFA müqaviləsidir. Orada bütün vergilər nəzərdə tutulub”.
AFFA-nın Mətbuat və İctimaiyyətlə Əlaqələr Departamentinin rəisi Mikayıl Nərimanoğlu isə bildirib ki, hazırda Sosial Müdafiə Fondu ilə danışıqlar gedir. Hər hansı problem olarsa, vergini Foqts yox, AFFA ödəyəcək.
Qeyd edək ki, Berti Foqtsun DSMF-ə ödəmələr etmədiyini fondun sədri Səlim Müslümov açıqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
