“Milan”ın və İtaliya millisinin Qana əsilli futbolçusu Mario Balotelli 2014-cü ildə Braziliyada keçiriləcək dünya çempionatı ilə bağlı maraqlı açıqlamalar verib. Apasport.az saytının məlumatına görə, İngiltərə mətbuatına danışan 23 yaşlı forvard bu turnirdə əsl gücünü sübut edəcəyini deyib:
“Braziliyadakı turnir dünyanın ən yaxşı hücumçusu olduğumu sübut etmək üçün əla fürsətdir”.
Balotelli dünya çempionatında D qrupundakı rəqibləri ilə bağlı da danışıb. O, İngiltərə, Uruqvay və Kosta-Rikadan çəkinmədiklərini bildirib: “Demək istəyirəm ki, təşkil olunan önəmli turnirlərdə biz həm tarixi uğurlarımız, həm də göstərdiyimiz çıxış baxımından İngiltərədən üstünük”.
Qeyd edək ki, Mario İtaliya millisi ilə 29 oyunda 12 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
