Fevralın 7-də Rusiyanın Soçi şəhərində start götürəcək XXII Qış Olimpiya Oyunlarında Azərbaycan yığmasının bayraqdarı müəyyənləşib. Milli Olimpiya Komitəsinin mətbuat xidmətindən Lent.az-a verilən məlumata görə, təntənəli açılış mərasimi zamanı idmançılarımız önündə Fiqurlu Konkisürmə Federasiyasının vitse-prezidenti Fuad Quliyev yer alacaq.
2010-cu il Vankuver olimpiadasında da bayraqdar funksiyasını Quliyev yerinə yetirib. Bu missiyanın idmançılarımıza tapşırılmamasına səbəb kimi onların hamısının legionerlərdən ibarət olması göstərilir.
Qeyd edək ki, fevralın 23-dək davam edəcək Soçi Qış Olimpiya Oyunlarında ölkəmizi dağ xizəkçiləri Patrik Braxner, Sedrik Nots və Qaya Bassani Antivari, eləcə də fiqurlu konkisürənlərdən ibarət Aleksey Sitnikov – Yuliya Zlobina dueti təmsil edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
