Avropa Liqası. “Qarabağ” növbəti mərhələdə -Uğurlar!

İyulun 25-də Avropa Liqasının II təsnifat mərhələsinin cavab oyunları keçirilir. Apasport.az saytının məlumatına görə, qitə miqyaslı klub turnirində mübarizə aparan təmsilçimiz “Qarabağ” səfərdə meydana çıxıb.

Polşada “Pyast”ın qonağı olan baş məşqçi Qurban Qurbanovun yetirmələri Tofiq Bəhramov adına Respublika stadionunda qazanılan qələbəni (2:1) qorumağa çalışacaqdı. Ağdamlılar bu dəfə də Qlevitse təmsilçisi qarşısında gücünü göstərib, nəyə qadir olduğunu sübut edib.

Belə ki “Pyast”ın eyni adlı stadionunda keçirilən oyunda təmsilçimiz istənilən nəticəyə nail olub – 2:2.

Matçda hesabı erkən qolla “Qarabağ” açıb. 8-ci dəqiqədə Leroy Corc yerli azarkeşləri məyus edib. Lakin ağdamlılar üstünlüklərini qorumağı bacarmayıblar. Əvvəlcə 29-cu dəqiqədə Mateuş Matras hesaba tarazlıq gətirib. Qoldan 7 dəqiqə sonra Marçin Robak komandamızı ikinci dəfə mərkəzdən başlamağa məcbur edib. Fasiləyə bu hesabla yollana tərəflər ikinci yarının əsas vaxtında da fərqlənə bilməyiblər və oyuna 30 dəqiqə əlavə edilib. Burada isə İlrix Kapolonqo daha yaxşı oynayaraq “Qarabağ”ın bərabərlik qolunu vurub. Həmçinin bu qol təmsilçimizi növbəti mərhələyə çıxarıb.

Qeyd edək ki, III təsnifat mərhələsində “Qarabağ”ın rəqibi "Gefle" (İsveç) - “Anortosis” (Kipr) cütünün qalibi olacaq. Hazırda İsveç klubu kiprliləri minimal hesabla məğlub edir.

“Pyast” (Polşa) – “Qarabağ” (AZƏRBAYCAN) - 2:2

QOLLAR: Mateuş Matras, 29, Marçin Robak, 36 - Leroy Corc, 8, İlrix Kapolonqo, 108
İlk oyun – 1:2

Baş hakim: Stanislav Todorov (Bolqarıstan)

Qlivitse. “Pyast” stadionu

Pyast: 29. Yakub Şumski, 3. Çaba Horvat, 4. Mateuş Matras, 14. Adrian Klepçinski, 23. Kristof Krol, 25. Damian Zbozien, 17. Tomaş Podqorski (k), 18. Matey İzvolt, 20. Lukaş Hanzel, 11. Marçin Robak, 22. Ruben Jurado
Ehtiyat oyunçular: 1. Yakub Şmatula, 5. Yan Polak, 10. Kamil Vilçek, 27. Artis Lazdinş, 9. Radoslav Muravski, 13. Tomaş Doçekal, 16. Pavol Çiçman

Baş məşqçi: Marçin Broş

Qarabağ: 89. Miro Varvodiç, 2. Qara Qarayev, 5. Maksim Medvedev, 14. Rəşad Sadıqov (k), 24. Admir Teli, 25. Ansi Aqolli, 9. Reynaldo, 16. Leroy Corc, 20. Riçard Almeyda, 11. Nikolas Gelaşvili, 17. Vüqar Nadirov

Ehtiyat oyunçular: 1. Fərhad Vəliyev, 55. Bədavi Hüseynov, 7. Namiq Yusifov, 10. Muarem Muarem, 18. İlqar Qurbanov, 6. Hacı Əhmədov, 88. İlrix Kapolonqo

Baş məşqçi: Qurban Qurbanov