Azərbaycanın kişi şahmatçılardan ibarət yığma komandası Türkiyənin Antalya şəhərindəki dünya çempionatında 8-ci yeri tutub. Lent.az-ın məlumatına görə, millimiz son turda Almaniyaya yenilib – 1:3.
Komandamızın üzvlərindən Rauf Məmmədov və Eltac Səfərli heç-heçəyə nail olsalar da, Nicat Məmmədovla Vasif Durarbəyli məğlubiyyətlə üzləşiblər. Beləliklə, dünya çempionatında cəmi 5 xal yığa bilən millimiz 3 xalı olan Türkiyəni və yarışı xalsız başa vuran Misiri qabaqlaya bilib.
Dünya çempionu adına isə 15 xalla Rusiya yiyələnib. Çin və Ukrayna şimal qonşularımızdan cəmi 1 xal geri qalıb. Hərəyə 10 xalı olan ABŞ və Ermənistan 4-5-ci pillələri bölüşüb. Hollandiya 9 xalla 6-cı, Almaniya 8 xalla 7-ci yeri tutub.
Qeyd edək ki, bu, Rusiya yığmasının 4-cü dünya çempionluğu olub. Azərbaycan millisi isə Antalyaya yollanmazdan bir həftə öncə 2-ci dəfə Avropa çempionu adını qazanmışdı. Lakin həmin heyətdən Şəhriyar Məmmədyarov və Teymur Rəcəbov dünya çempionatına aparılmamışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
