“Xəzər Lənkəran” komandası iyulun 25-də İsrailin “Makkabi” (Hayfa) komandası ilə keçirəcəyi futbol üzrə Avropa Liqası II təsnifat mərhələsinin cavab görüşü hazırlıqlarına başlayıb. Lent. az-ın klubun rəsmi saytına istinadən verdiyi məlumata görə, ilk məşq daha çox Türkiyə “Fənərbağça”sı ilə 21 iyul qarşılaşmasından sonra bərpa xarakteri daşıyıb.
Əsas meydançada keçirilən məşqdə futbolçular qapıya zərbələr və bir neçə gedişli kombinasiyalardan sonra qurulan hücumlar üzərində çalışıblar. Hazırda düşərgədə zədəli futbolçu yoxdur və komanda tam tərkibdə məşqlərini davam etdirir.
Qeyd edək ki, Lənkəran şəhər stadionunda saat 21:00-da başlanacaq matçı hollandiyalı baş hakim Danni Makkelie idarə edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
