Yunanıstanın paytaxtı Afinada keçirilən “Elit Neon Cup” turnirində növbəti oyunlar keçirilib. Apasport.az saytının məlumatına görə, qrup mərhələsində 3 matçda qüvvəsini sınayan “Qəbələ” 9-12-ci yerlər uğrunda mübarizəyə qoşulub.
“Qırmızı-qaralar” Danimarkanın “Lyunqbyu” komandası ilə üz-üzə gəlib. Famil Xəlilovun baş məşqçisi olduğu komanda bu görüşdə 2:1 hesabı ilə qalib gəlib. “Qəbələ”nin hər iki qoluna Samir Məhərrəmli imza atıb.
Bu qələbə “qırmızı-qaralar”a 9-10-cu yerlər uğrunda matçda qüvvəsini sınamaq imkanı verib. Təmsilçimiz sabah Albaniyanın “Tirana Nasional” klubu ilə görüşəcək.
Qeyd edək ki, “Qəbələ” qrup mərhələsində Yunanıstan “Apollon”u ilə heç-heçə edib (1:1), ardınca Serbiya “Partizan”ı (0:3) və Afina “Panatinaikos”una (0:2) məğlub olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
