“Neftçi” çətinliklə uddu

Bu gün keçirilən bir oyunla Topaz Premyer Liqasında III tur start götürüb. Apasport.az saytının məlumatına görə, günün yeganə matçında son çempion “Neftçi” “Simurq”la qarşılaşıb.

“Bakcell Arena”da baş tutan görüşdə qapılara bir top vurulub. 33-cü dəqiqədə Ramosun cərimə meydançası qarşısından zərbəsi dəqiq olub – 1:0. Bundan az sonra “Neftçi” meydanda azlıqda qalıb. Elvin Yunuszadənin meydandan qovulmasından sonra oyunun böyük hissəsini 10 nəfərlə keçirən paytaxt təmsilçisi qarşılaşmanı qələbə ilə başa vurub.

Sabah turun daha üç görüşü keçiriləcək. Saat 18:00-da “Bakı” “Rəvan”ı, 20:00-da “Qarabağ” “Xəzər Lənkəran”ı, “İnter” isə AZAL-ı qəbul edəcək.

Tura avqustun 19-da keçiriləcək “Sumqayıt” – “Qəbələ” matçı ilə yekun vurulacaq.

Topaz Premyer Liqası
III tur
17 avqust (şənbə)

“Neftçi” – “Simurq” - 1:0
QOL: Ramos, 33
QIRMIZI VƏRƏQƏ: Elvin Yunuszadə, 39
Hakimlər: Əliyar Ağayev, Zeynal Zeynalov, Vaqif Musayev, Namiq Bəkirov
Əlavə köməkçi hakimlər: Fariz Yusifov, Ramil Əhmədov
AFFA nümayəndəsi: Şaiq Həmidov
Hakim-inspektor: Füzuli Nəcəfov
“Bakcell Arena” stadionu

“Neftçi”: 30. Saşa Stamenkoviç; 3. Denis Silva, 6. Rəşad Sadiqov (k), 7. Araz Abdullayev, 9. Flavio Aleks Valensio, 14. Bahodir Nasimov, 15. Erik Ramos, 16. Bruno Bertuççi, 22. Mahir Şükürov, 32. Elvin Yunuszadə, 90. Ernest Nfor
Ehtiyat oyunçular: 1. Pavel Doroşevs, 2. Karlos Kardoso, 4. Tərlan Quliyev, 10. Cavid İmamverdiyev, 11. Melvin Platye, 19. Mirhüseyn Seyidov, 28. Emin Mehdiyev
Məşqçi: Tərlan Əhmədov

“Simurq”: 1. Pavel Kapsa, 2. İlkin Qırtımov, 4. Dilaver Zrnanoviç, 5. Anderson Olivyera, 6. Taqim Novruzov, 7. Ruslan Poladov (k), 15. Stepan Polyak, 16. Məhərrəm Hüseynov, 18. Tural Axundov, 22. Salif Ballo, 28. Nenad Kiso
Ehtiyat oyunçular: 94. Rəşad Əzizov, 8. Mzee Patrik Osiako, 10. Rəşad Eyyubov, 11. Draqan Çeran, 17. Rüstəm Məmmədov, 19. Orxan Səfiyaroğlu , 30. Raul Kostin
Baş məşqçi: Georgi Çixradze