İspaniyanın “Barselona” futbol komandasına yeni baş məşqçi təyin olunub. Lent.az-ın “Marca”ya istinadən verdiyi məlumata görə, bu, Xerardo Martinodur.
50 yaşlı mütəxəssislə 3 illik müqavilə bağlanılıb. O, səhhətindəki problemlərlə əlaqədar istefa vermiş Tito Vilanovanı əvəzləyib. Martinoya Elvio Paolorroso və Xorxe Pautasso yardımçı olacaq.
Qeyd edək ki, Xerardo Martino futbolçu karyerasının böyük hissəsini Argentinanın “Nyuell Old Boyz” komandasında keçirib. O, 2007-ci ildə Paraqvay millisinə baş məşqçi təyin olunub. Martino 2011-ci il Amerika Kubokunda komandanın heç bir oyunda qələbə qazanmadan ikinci yeri tutmasından sonra istefa verib. Təcrübəli mütəxəssisin son iş yeri “Nyuell Old Boyz” olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
