İspaniyanın “Barselona” klubunun futbolçusu Malkom karyerasını Rusiyada davam etdirəcək.
APA-nın məlumatına görə, 22 yaşlı braziliyalı yarımmüdafiəçi “Zenit” klubuna transfer olunub.
Şimallılar “sambaçı” ilə 5 illik müqavilə imzalayıb. O, 2024-cü ilin yayına qədər Sankt-Peterburq təmsilçisində çıxış edəcək.
Malkomun keçidi 40 milyon avroya başa gəlib. “Barselona” bonuslar hesabına daha 5 milyon qazana bilər. Futbolçunun özü isə ildə 6,5 milyon avro qazanacaq.
Qeyd edək ki, “Korintians”ın yetirməsi olan braziliyalı “Barselona”ya 2018-ci ilin yayında “Bordo”dan keçib. 41 milyon avroya alınan yarımmüdafiəçi ötən mövsüm 15 oyunda 1 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
