“Atletiko” klubu futbol üzrə İspaniya Kubokunun yarımfinal mərhələsinə yüksəlib. Lent.az-ın məlumatına görə, “Azerbaijan Land of Fire” formalı komanda ¼ finalda “Atletik”i mübarizədən kənarlaşdırıb.
Bu komandalar arasındakı cavab görüşündə “Atletiko” 2:1 hesablı səfər qələbəsinə imza atıb. Qonaq komandanın qollarını 55-ci dəqiqədə Raul Qarsiya, 86-cı dəqiqədə isə Dieqo Kosta vurub. Meydan sahiblərindən isə 42-ci dəqiqədə Arits Adurits fərqlənib. Bu komandalar arasındakı ilk görüşdə də Madrid təmsilçisi qalib gəlib – 1:0. “Atletiko” yarımfinalda “Real Madrid”in qonağı olacaq. Oyunlar fevralın 5-də və 12-də keçiriləcək.
“Barselona” da ¼ final səddini uğurla adlayıb. Kataloniya komandası “Levante”ni həm səfərdə, həm də evdə darmadağın edib – 4:1, 5:1. Daha bir yarımfinalçı isə bu gecə “Rasinq” – “Real Sosyedad” matçının nəticəsinə əsasən müəyyənləşəcək. İlk görüş “Real Sosyedad”ın qələbəsi ilə yekunlaşıb – 3:1.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
