"Barselona"nın baş məşqçisi Xavi mövsümün sonunda ayrılmaq qərarının dəyişə biləcəyi ilə bağlı sualı cavablandırıb.
Lent.az xarici mediaya istinadla xəbər verir ki, baş məşqçi bu sualı, “Mövsümün sonunda klubdan ayrılmaq qərarımda qətiyəm. Dəyişiklik yoxdur. Mən gedəcəm”, deyə, cavablandırıb.
Xatırladaq ki, Xavi daha əvvəl mövsümün sonunda "Barselona"dan ayrılacağını açıqlayıb. Bununla belə, Kataloniya klubunun prezidenti Joan Laportanın mütəxəssisin növbəti mövsümdə də klubda qalmasını istədiyi barədə məlumatlar var.
Xavi 2021-ci ildən "Barselona"ya rəhbərlik edir. Komandaya İspaniya çempionatında və ölkə Superkubokunda qələbə qazandırıb. İspaniya La Liqasının cari mövsümündə 26 turdan sonra "Barselona" 57 xalla ikinci pillədə qərarlaşıb. Turnir cədvəlinə 65 xalla "Real Madrid" başçılıq edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
