Sulşerə ultimatum verildi: “Mançester Yunayted” məşqçisiz qala bilər

“Liverpul”a alçaldıcı məğlubiyyətdən sonra “Mançester Yunayted”in rəhbərliyi baş məşqçi Ule-Qunnar Sulşerə vəzifəsini qorumaq üçün üç oyunluq vaxt verib.

Lent.az xarici mediaya istinadla bildirir ki, mənbələrin məlumatına görə, Sulşerin əvəzlənməsi qaçılmaz deyil. Komandanın nəticələri pisləşməkdə davam edərsə, norveçli qovulacaq. 48 yaşlı mütəxəssis də işdən çıxarılmaq riskinin olduğunu bilir.

Əslində, "Mançester Yunayted" Sulşerin qovulması halında artıq yeni məşqçi axtarışına başlayıb. İstefa qərarının gecikdirilməsinin səbəblərindən biri də namizədlərlə danışıqlara daha çox vaxt verilməsidir. Zidan isə "Mançester Yunayted"i xilas etmək üçün tətilini yarımçıq qoymayacaq.

“Mançester Yunayted” oktyabrın 30-da “Tottenhem”lə qarşılaşacaq. Növbəti həftədə Çempionlar liqasında “Atalanta”, sonra isə “Mançester Siti” ilə derbi oyunu var.

İngiltərə Premyer-liqasının 9 turundan sonra “qırmızı şeytanlar” 14 xalla turnir cədvəlində 7-ci sıradadır.