Ronaldo Messinin xələfini AÇIQLADI

Braziliya millisinin keçmiş bombardiri, “Kruzeyro” futbol klubunun sahibi Ronaldo argentinalı hücumçu Lionel Messinin xələfinin adını çəkib.

“Düşünürəm ki, Kyian Mbappe artıq bir neçə ildir ki, əla, fantastik dərəcədə istedadlı oyunçudur. Mbappe Messi və Kriştiano Ronaldonun əldə etdiklərinə nail olacaq”, - Lent.az-ın xarici mediaya istinadla xəbərinə görə, braziliyalı bildirib.

O qeyd edib ki, Mbappe ilə tədbirlərdə görüşəndə yaxşı ünsiyyət qurur.

2022-ci il dekabrın 4-də İngiltərə millisinin və “Mançester Yunayted” keçmiş üzvü Rio Ferdinand Mbappeni Ronaldo və Messi ilə müqayisə edib. “O, inanılmaz dərəcədə istedadlıdır və diqqəti cəlb etməyi bilir. Biz hamımız Messi və Ronaldonu kimin əvəzləyəcəyini düşünürdük və bu oğlan birinci sıradadır”, - “Mançester Yunayted” əfsanəsi deyib.

24 yaşlı Mbappe dünya çempionatlarının qızıl və gümüş medallarının sahibidir. 2022-ci ildə Qətərdə keçirilən dünya çempionatında o, turnirin bombardiri kimi tanınıb. Hücumçu 4 dəfə Fransa çempionluğunu qazandığı PSJ-dəki çıxışları ilə də tanınır.