Bu mövsümə “Mançester Yunayted”lə başlayan Səudiyyə Ərəbistanının “Əl-Nəsr” klubunun hücumçusu Kriştiano Ronaldo klubla turnirdə bir dənə də olsun oyun keçirmədən İngiltərə Liqa Kubokunu “qırmızı şeytanlar” qazandığı üçün medal ala bilər.
Lent.az xarici mediaya istinadla bildirir ki, bu barədə jurnalist Canluka Di Marsio öz rəsmi saytında məlumat yayıb.
İngiltərə Liqa Kubokunun qaydalarına əsasən, qalib komanda 30 medal alır ki, bu da klubun oyunçularına verilə bilər. “Mançester Yunayted” turnir zamanı 27 futbolçudan istifadə edib, ötən ilin noyabrında klubdan ayrılan Ronaldo isə onların arasında olmayıb. Qalan üç medalın taleyini “Mançester Yunayted” özü həll edəcək.
Beləliklə, Ronaldo turnirdə qalib gəldiyi üçün medal ala bilər, lakin kubokda heç vaxt meydançaya çıxmadığı üçün kubokun sahibi sayılmayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
