Türkiyə Super Liqasında XXIX tura yekun vurulub.
Lent.az Apasport.az saytına istinadən xəbər verir ki, turun son oyunu İstanbulda baş tutub.
“Qalatasaray” derbidə “Beşiktaş”ı qəbul edib. “Sarı-qırmızılar” matçın taleyini ilk yarıda həll etməyi bacarıb.
Kərəm Aktürkoğlu iki dəfə Mostafa Mohamedin ötürmələrini qola çevirib. O, öncə 22-ci dəqiqədə hesabı açıb, 10 dəqiqə sonra fərqi iki topa çatdırıb – 2:0.
“Ağ-qaralar” ikinci hissədə bu qollardan yalnız birinin əvəzini çıxa bilib. Rizvan Yılmaz hakimin final fitinə 3 dəqiqə qalmış fərqlənib. Lakin “Qalatasaray” 2:1 hesablı üstünlüyünü qorumağı bacararaq üç xal əldə edib.
Qeyd edək ki, bu nəticədən sonra “Beşiktaş” 45 xalla 8-ci, “Qalatasaray” 38 xalla 11-cidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
