Serj Aurier və Karlos Vinisiusu heyətinə qatan "Qalatasaray"da transfer çalışmaları davam edir.
Lent.az-ın xarici KİV-ə istinadən xəbərinə görə, müdafiəçi keçidini tez bir zamanda başa çatdırmaq istəyən Türkiyə klubu Azərbaycanın "Qarabağ" komandasında çıxış edən Toral Bayramovu da siyahıta daxil edib .
Futbol direktoru Cenk Ergünün 22 yaşlı futbolçunu canlı izlədiyi bildirilib.
“Cimbom” həm də sağ cinah müdafiəçisi olan və millidə çıxış edən Bayramovu çox sərfəli qiymətə heyətinə qatmağı hədəfləyib.
Bu mövsüm "Qarabağ"ın heyətində 35 oyuna çıxan gənc futbolçu 8 qol və 1 məhsuldar ötürmə ilə yadda qalıb. 22 yaşlı futbolçu Azərbaycan millisinin heyətində 19 oyuna çıxıb və 1 qol vurub.
Sağ və sol cinahda çıxış edən futbolçunun klubu ilə müqaviləsi 2026-cı ildə başa çatır. Toral Bayramovun bazar dəyəri 800 min avro olaraq göstərilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
