Niderlandın “Tvente” futbol klubunun heyətində ölkə çempionu olmuş Roni Stam narkotik qaçaqmalçılığına görə yeddi il həbs cəzasına məhkum edilib.
Lent.az xəbər verir ki, Roni Stam dəfələrlə qardaşı Rudi Stam ilə birlikdə narkotik satıb. Rudi Stam isə 3,5 il azadlıqdan məhrum edilib. Məhkəmə hər iki qardaşı narkotik ticarətindən əldə etdikləri üç milyon avrodan artıq məbləği dövlətə ödəməyə, həmçinin 30 min avro cərimə verməyə məcbur edib.
Roni Stam yalnız bir dəfə — 7 kiloqram kokain satışında iştirak etdiyini etiraf etsə də, daha böyük həcmli əməliyyatlarda iştirakını inkar edib. 40 yaşlı Stam karyerası ərzində Niderlandın “NAC Breda” və “Tvente” klublarında, İngiltərənin “Wigan” komandasında və Belçikanın “Standard” klubunda çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
