“Neftçi”nin təsdiq arzusu

Bu gün Azərbaycan Premyer Liqasında XVII tura start veriləcək.

Lent.az Apasport.az saytına istinadən xəbər verir ki, ilk oyun günündə iki matç baş tutacaq.

Öncə Bakı derbisində paytaxt klubları üz-üzə gələcək. Mükafatlar uğrunda mübarizə aparan “Neftçi” səfərdə “Sabah”la qarşılaşacaq. Turnir cədvəlinin ikinci yarısında qərarlaşan meydan sahibləri Azərbaycanın ən titullu klubunu büdrətməyə və kubokdakı məğlubiyyətin revanşını almağa çalışacaq. “Ağ-qaralar” isə qalmaqallı kubok qələbəsinin təsadüf olmadığını bir daha təsdiqləməlidir.

Günə Sumqayıtda yekun vurulacaq. Ötən mövsümkü komandanın kölgəsinə belə bənzəməyən “Sumqayıt” ikinci pillədəki “Qəbələ”ni qəbul edəcək. Autsayderlər sırasından uzaqlaşmaq üçün meydan sahibləri mütləq qalib gəlməlidir. “Qırmızı-qaralar” isə mövqeyini qorumaq üçün səfərdə xal itirməməlidir.

Qeyd edək ki, tura sabah keçiriləcək “Keşlə” - “Qarabağ” və “Səbail” “Zirə” matçları ilə yekun vurulacaq.

Azərbaycan Premyer Liqası
XVII tur
27 fevral (bazar)
17:00. “Sabah” – “Neftçi”
Baş hakim: Rauf Cabarov
“Bank Respublika Arena”

19:15. “Sumqayıt” – “Qəbələ”
Baş hakim: Vüqar Həsənli
“Kapital Bank Arena”

1	Qarabağ	15	11	3	1	32-9	36
2	Qəbələ	16	8	5	3	25-17	29
3	Zirə	16	8	4	4	25-16	28
4	Neftçi	16	7	4	5	25-22	25
5	Sabah	16	6	2	8	23-25	20
6	Keşlə	16	4	2	10	18-28	14
7	Sumqayıt	15	3	4	8	10-21	13
8	Səbail	16	3	2	11	12-32	11