Millinin keçmiş kapitanı müflis olub: böyük borcu var

İngiltərə reqbi komandasının çoxsaylı işştirakçısı Fil Vikeri böyük maliyyə çətinlikləri yaşayır.

Lent.az xarici mediaya istinadən bildirir ki, nəticədə, 48 yaşlı oyunçuya məxsus şirkət iflas elan edilib. Öz növbəsində idmançı özü çox böyük miqdarda pul verməlidir.

Fil Vikeri uzun illər İngiltərə reqbi komandasının güclü üzvü olub. O, millinin heyətində 73 oyun keçirib və onun kapitanı olub. O, 2010-cu ildə idmandan uzaqlaşıb.

2015-ci ildə məşhur oyunçu Premyer Liqa tərəfindən mükafatlandırılıb. Xidmətlərinə görə o, liqanın Şöhrət zalına daxil edilib.

Karyerasını bitirdikdən sonra Vikeri bir neçə müəssisə açıb. 48 yaşlı idmançı konsaltinqlə məşğul olub və bu zaman keçdikcə ona böyük itkilər gətirməyə başlayıb və bu da onu konkret tədbirlər görməyə məcbur edib.

Bir neçə həftə əvvəl ingilis özünün Killock Limited şirkətinin baş direktoru vəzifəsini tərk edib. Yanvar ayında o, “Raging Bull Group Limited” və “Creed Food Service Limited”in idarə heyətindəki yerini də tərk edib.

Bir neçə şirkətə olan böyük borclar Vikerinin iflas elan etməsinə səbəb olub. “Daily Mail” keçmiş reqbiçinin 150 min funt sterlinqdən çox borcu olduğunu bildirir.

İngiltərə millisinin keçmiş üzvünün işinin məhkəməyə verilməsi mümkündür. Bu, 48 yaşlı oyunçu ilə işləyən şirkətlərin ödənilməmiş pulların qaytarılmasını tələb etməsi ilə əlaqədardır.