Amerikanın "İnter Mayami"sinin və Argentina millisinin hücumçusu Lionel Messinin qonşusu Patrik Bet-David bildirib ki, futbolçu Fort Lauderdeyl kurort şəhərinin sahilində mülk aldıqdan sonra öz evinin dəyəri 25 dollar artıb.
“Mən evimi 20 milyon dollara almışam və Messi gələndən sonra ev 45 milyon dollar dəyərində olub. Beləliklə, kapitalımı 25 milyon dollar artırdım.
Messi bu əraziyə köçdü və indi hamı burada yaşamaq istəyir. Bura tək girişi olan hasarlanmış ərazidir. Bu, çox təhlükəsiz və mühafizə olunan ərazidir. İndi Messi buradadır, insanlar onu görmək ümidi ilə qayıqlarla bura gəlirlər”, - Lent.az xarici mediaya istinadən bildirir ki, Messinin qonşusu vurğulayıb.
Xatırladaq ki, Messi keçən yay azad agent kimi “İnter Mayami”yə keçib. Bu müddət ərzində hücumçu bütün turnirlərdə 14 oyunda iştirak edib, 11 qol vurub və 5 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
