Mbappe hələ də PSJ-dən sərvət tələb edir

Kilian Mbappe ilə PSJ arasında oyunçuya borcun ödənilməsi ilə bağlı mübahisədə heç bir irəliləyiş yoxdur.

Lent.az-ın məlumatına görə, Mbappe uzun illər oynadıqdan sonra yayda Paris klubundan ayrılaraq “Real” ilə müqavilə imzalayıb. Bununla belə, hücumçu PSJ-dən pul tələb edir.

Avqust ayında o, Fransa Futbol Liqasına (LFP) PSJ-nin ona 55 milyon avro borcu olduğunu bildirib. Bu məbləğə ödənilməmiş maaşlar və mükafatlar daxildir.

Bu məsələ ilə bağlı iclas sentyabrın 11-nə təyin edilib. Burada futbolçunun vəkilləri, klub və LFP hüquq komitəsinin nümayəndələri iştirak ediblər. Sonuncu təklif edib ki, mübahisə edən tərəflər məhkəmə çəkişmələrinin qarşısını almaq üçün vasitəçilik yolu ilə razılığa gəlsinlər.

Lakin Mbappe bu təklifi rədd edib. AFP-nin məlumatına görə, ulduz hüvumçu hələ də var-dövlətinin ödənilməsini gözləyir.

Oyunçunun vəkili də ortaya çıxıb və açıq şəkildə izah edib ki, Kilian sadəcə olaraq gördüyü işə görə mükafat almağa layiqdir.

"Müştərim onun vəziyyətində olan hər hansı digər oyunçu və ya işçi kimi maaş almaq istəyir. Əmək qanunları tətbiq edilməlidir".

Beləliklə, durğunluq davam edir