"Liverpul"un "Real Madrid"in transfer siyahısında yer alan Trent Alexander-Arnold üçün yeni müqavilə imzalamağa hazırlaşdığı məlum olub.
Lent.az xarici mediaya istinadla bildirir ki, Yürgen Kloppun ayrılma qərarından sonra heyətində ulduzları saxlamağı planlaşdıran "Liverpul"un Trent Alexander-Arnold ilə bağlı qərar verdiyi müəyyənləşib. Qeyd edilib ki, "Liverpul" Trent Alexander-Arnold üçün müqavilənin uzadılması təklifi ilə çıxış etməyi planlaşdırır.
Gələn mövsüm "Liverpul"la müqaviləsi başa çatacaq Trent Alexander-Arnoldun növbəti mövsümdə komandanın kapitanları arasında olacağı bildirilir. Trent Alexander-Arnold bu mövsüm "Liverpul"un heyətində 29 matçda meydana çıxmaq şansı qazanıb.
25 yaşlı sağ cinah müdafiəçisi bu matçlarda 2 qol vurub və 9 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
