İspaniya 1-ci Futbol Liqasının (La Liqa) komandalarından biri olan “Valensiya”da çıxış edən hollandiyalı futbolçu Yustin Kluvertin evi qarət edilib.
Lent.az bildirir ki, İspaniya mətbuatında yer alan xəbərlərdə La Liqanın 36-cı həftəsində səfərdə "Malyorka" ilə qarşılaşacaq "Valensiya"nın dünən axşam “Palma de Malyorka”da düşərgəsində olarkən Kluvertin evinin qarət edildiyi bildirilib.
Yerli vaxtla saat 23 radələrində hollandiyalı futbolçunun evinə daxil olan 3 maskalı şəxsin evdə olan Kluvertin həyat yoldaşı və anasına da hücum etdiyi bildirilib.
Oğruların bəzi qızıl-zinət əşyalarını və ümumi dəyəri 200 min avro olan pulları götürdükləri qeydə alınıb.
Hadisədən sonra şoka düşən iki qadının əvvəlcə futbolçuya zəng etdiyi və Kluvertin polisə məlumat verdiyi bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
