ÇSKA-nın və SSRİ yığmasının keçmiş futbolçusu Vladimir Ponomarev argentinalı hücumçu Adolfo Qayiçin gedişini ordu klubu üçün itki hesab etmir.
Lent.az Rusiya KİV-ə istinadən xəbər verir ki, yanvarın 31-də hücumçu icarə əsasında İtaliyanın “Verona” klubuna keçib və o, cari mövsümün sonuna kimi orada çıxış edəcək.
“Allaha şükür ki, getdi – ÇSKA üç il onunla birlikdə əziyyət çəkdi! Veronanın onu niyə apardığını bilmirəm. Onun orada uzun müddət qalacağını düşünmürəm. O, ÇSKA-ya ilk gələndə yaxşı keyfiyyətlər göstərdi. Amma sonra məlum oldu ki, o, belədir - ucuz mürəbbə. Üç il oturdu, yaxşı maaş aldı, yedi, işlədi”, deyə Ponomarev bildirib.
Xatırladaq ki, 23 yaşlı argentinalı 2020-ci ilin yayında ÇSKA-ya gəlib. O, “qırmızı-göylər”in heyətində 30 oyun keçirib və bu oyunda 3 qol vurub. Hücumçu əvvəllər icarə əsasında İtaliyanın “Benevento” və İspaniyanın “Hueska” klublarında çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
