İspaniyalı futbolçu sağ əlinin bəlasına düşdü - təcavüz İTTİHAMI

"Selta"nın keçmiş müdafiəçisi Huqo Mallo "Espanyol" futbol klubunda talisman işləyən qadına cinsi təcavüzdə təqsirli bilinib.

Lent.az xarici mediaya istinadla bildirir ki, hazırda Yunanıstanın “Aris Saloniki” klubunda çıxış edən ispan futbolçu Huqo Mallo sağ əli ilə Kataloniya komandasının tutuquşu talismanı kimi geyinmiş qadın işçisinin sinəsinə toxunmaqda günahlandırılıb.

Barselona məhkəməsi müəyyən edib ki, daha sonra “Selta”da çıxış edən idmançı 2019-cu il aprelin 24-də Kataloniyanın “Stage Front” stadionunda keçirilən La Liqada “Espanyol” – “Selta” matçında özünü nalayiq aparıb.

Mallo 6000 avro cərimələnib və zərərçəkənə min avro təzminat ödəməyə məhkum edilib. O, həmçinin hüquqi xərcləri də ödəməlidir. Onun məhkəmənin qərarından apellyasiya şikayəti verib-verməyəcəyinə qərar vermək üçün 10 gün vaxtı var.

İspan futbolçu karyerasına “Selta Viqo”nun gənclər komandasında başlayıb və klubda keçirdiyi 14 il ərzində 449 oyuna çıxıb. 2023-cü ilin iyulunda Braziliyanın “İnternasional” komandası ilə müqavilə imzalayıb və 2024-cü ilin yayında Yunanıstan komandasına keçənədək 20 oyunda iştirak edib.