“İnter” yaxın günlərdə belçikalı hücumçu Romelu Lukaku üçün “Çelsi”yə rəsmi təklif verəcək.
Lent.az xarici KİV-ə istinadla bildirir ki, “neradzurri” 30 yaşlı hücumçu üçün 30 milyon avro təklif edəcək. Bu həftə “İnter” və “Çelsi” videokonfrans vasitəsilə danışıqların növbəti mərhələsini keçirəcək.
Lukaku ötən mövsüm “İnter”də icarə əsasında çıxış edib. Razılaşmanın müddəti başa çatıb, lakin “neradzurri” Romelu ilə əməkdaşlığı genişləndirmək istəyir.
2022/2023 mövsümündə A Seriyasında Lukaku 25 oyuna çıxıb, 10 qol vurub və 6 məhsuldar ötürmə edib. “İnter”lə birlikdə belçikalı Çempionlar Liqasının finalına yüksəlib, burada italyanlar “Mançester Siti”yə 0:1 hesabı ilə uduzub. İtaliya çempionatında “İnter” üçüncü yerdə qərarlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
