İlk dəfə Mbappenin gedişi ilə bağlı şayiələrdən DANIŞDI

PSJ-nin baş məşqçisi Luis Enrike fransalı hücumçu Kilian Mbappenin bu mövsüm başa çatdıqdan sonra komandanı tərk etməsi xəbərinə ilk dəfə münasibət bildirib.

"Yox. Sizə deyəcək heç bir məlumatım yoxdur”, – Lent.az xarici mediaya istinadən bildirir ki, jurnalist Adrien Qrenye X sosial şəbəkəsində (keçmiş Twitter) Enrikedən sitat gətirib.

Xatırladaq ki, daha əvvəl fransalı futbolçunun PSJ rəhbərliyinə mövsümün sonunda ayrılacağını bildirdiyi barədə məlumat yayılıb. Bundan əlavə, "Real"ın prezidenti Florentino Peresin artıq məşqçilər korpusuna Mbappenin “Kral klubu”nun futbolçusu olacağı barədə xəbərdar etdiyi bildirilirdi. Fransızın Madriddə aktiv şəkildə ev axtardığı barədə də məlumat var idi.

Mbappe 2018-ci ildən PSJ-də çıxış edir. Bu müddət ərzində o, bütün turnirlərdə 290 oyunda iştirak edib, 243 qol vurub, 105 məhsuldar ötürmə edib. Futbolçunun klubla hazırkı əmək müqaviləsi 2024-cü ilin yayına kimi nəzərdə tutulub.

“Transfermarkt” portalında verilən məlumata görə, futbolçunun bazar dəyəri 180 milyon avrodur.