Ən uzun tennis oyunu nə qədər davam edib?

2010-cu il iyunun 22-də Uimbldon turniri çərçivəsində amerikalı Con İsner və fransız Nikolas Mayu arasında 1/64 final oyunu başlayıb.

Lent.az xatici mediaya istinadən məlumat verir ki, oyun adi hesab olunub. Başlayanda çətin ki, heç kim ciddi bir şey gözləməyib.

Ancaq bir möcüzə baş verib. Qarşılaşma dünya tennis tarixində ən uzun oyun olub.

Qalib yalnız iyunun 24-də məlum olub.

Rekord oyunun gedişi

İlk oyun günündə İzner və Mayu dörd seti tamamlaya bilib. Hesab 6:4, 3:6, 6:7, 7:6 olub.

Qaranlıq düşüb, buna görə də ertəsi gün həlledici beşinci seti bitirmək qərara alınıb.

Lakin iyunun 23-də bu mümkün olmayıb. Belə qayda qüvvədə idi: heç-heçə (6:6) olarsa, həlledici setin qalibi rəqibindən iki oyun fərqi ilə ayrılan şəxsdir. Heç bir taybreyk təmin edilməyib.

İzner və Mayu bərabər oyun nümayiş etdiriblər. İkinci oyun günündə heç kim lazımi üstünlüyü əldə edə bilməyib. Hesab 59:59 olarkən oyun yarımçıq kəsilib.

İyunun 24-də qalib nəhayət ki, bəlli olub. O, Con İzner olub.

Yekun hesab 6:4, 3:6, 6:7, 7:6, 70:68 olub.

Oyunun ümumi müddəti (fasilələri nəzərə almasaq) 11 saat 5 dəqiqə çəkib.

1/32 final oyununda əvvəlki oyuna açıq-aşkar çox enerji sərf edən İzner sarsıdıcı məğlubiyyətlə üzləşib: o, hollandiyalı Timo De Bakkerə uduzub. Hesab 6:0, 6:3, 6:2 olub.

Bununla belə, həm İ=zner, həm də Mayu hələ də ən uzun oyun iştirakçısı kimi tennis tarixinə düşüblər.