PSJ-nin fransız hücumçusu Kilian Mbappe gələcək planlarından danışıb.
Lent.az xarici mediaya istinadla bildirir ki, 22 yaşlı hücumçu "Real”ın onu şirnikləndirmək cəhdlərinə baxmayaraq, Paris klubunda oynamasından məyus olmadığını etiraf edib.
“Mən üçüncü divizionda oynamıram ki... Bizim yüksək ambisiyaları olan böyük klubumuz var - Çempionlar Liqasını qazanmaq istəyirik”, - Mbappe deyib.
Mbappe gələcəkdə “Real”a keçməkdən imtina edəcəyini və PSJ-də qalacağını da istisna etməyib.
“Əminliklə deyə bilərəm ki, top klubda oynayacağam”, - oyunçu vurğulayıb.
Mbappe dünyanın ən bahalı futbolçusudur. Onun bazar dəyəri 160 milyon avro qiymətləndirilir.
Oktyabrda Mbappenin parislilərlə 2022-ci ilin yayında başa çatacaq müqaviləni yeniləmək niyyətində olmadığı bildirilirdi. Bu qərarı "Real” keçmək istəyi diktə edirdi.
Mbappe bu mövsüm PSJ-nin heyətində bütün turnirlərdə 21 oyunda 9 qola imza atıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
