Çempionlar Liqasının sonudur? - UEFA sərt tədbirlərə hazırdır

Futbol Super Liqasını yaratmaq fikri UEFA rəsmilərini qorxudub.

Lent.az-ın xarici mediaya istinadla verdiyi xəbərə görə, Çempionlar Liqası üçün yeni format planlaşdırılır.

Avropanın əsas futbol qurumu Çempionlar Liqasının strukturunu yenidən nəzərdən keçirmək üçün ən yaxşı klubları dəvət etməyə hazırdır.

Məlumata görə, UEFA prezidenti Aleksander Çeferin artıq Avropa Klublar Birliyinin beş nümayəndəsi – “Real”, “Yuventus”, “Mançester Yunayted”, “Pari Sen-Jermen” və “Fənərbaxça” ilə danışıqlar aparır.

Čeferin Avropanın ən böyük klublarına yeni turnirdə daha təsirli bir rol verməyə hazırlaşmaqla yanaşı, onları təmin edəcək yeni bir gəlir bölgüsü sistemi inkişaf etdirməyə hazırlaşır.

Yeni yarışın necə idarə ediləcəyi, qurulacağı və planlaşdırılacağı, ondan əldə olunan gəlirin necə bölünəcəyi - bunlar Ceferin və klublar arasında keçirilən görüşlərdə müzakirə olunan əsas məqamlardır.

Avropanın ən yüksək liqalarındakı komandaların sayı 16-ya, daxili kuboklar isə 4-5 tura endirilə bilər.

Yeni yarışın 2023, yaxud 2024-cü ildə start götürəcəyi güman edilir. Turnir Super Çempion adlandıralacaq.