Bu gün Azərbaycan Kubokunda 1/8 final mərhələsinə yekun vurulub.
Lent.az xəbər verir ki, günün son oyununda “Neftçi” və “Qaradağ Lökbatan” komandaları üz-üzə gəlib.
“Neftçi Arena”da keçirilən oyun “ağ-qaralar”ın 4:0 hesablı qələbəsi ilə başa çatıb. Meydan sahiblərinin ilk qolunu 23-cü dəqiqədə Aaron Olanare vurub. 72-ci dəqiqədə qonaqların heyətində Murad Qayalı avtoqol müəllifi olub. Digər toplara isə 77-ci dəqiqədə Yeqor Boqomolski və 80-ci dəqiqədə Andre Şinyaşiki imza atıb.
"Neftçi"nin növbəti mərhələdəki rəqibi "Sumqayıt" komandası olub.
Qeyd edək ki, 1/4 finalın digər qarşılaşmaları "Səbail" - "Zirə", "Araz-Naxçıvan" - "Qəbələ" və "Sabah" - "Qarabağ" komandaları arasında olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
