Unibank Premyer Liqası: “Neftçi” uddu, hakim 90 dəqiqə söyüldü

“Bakı” ilə qarşılaşmada nominal qonaq qismində çıxış edən flaqman hələ 8-ci dəqiqədə qələbə topunu vurub. Bundan 7 dəqiqə sonra “Bakı”nın futbolçusu Jaba qapıçı ilə təkbətək zamanı yerdə qalsa da, baş hakim Əfqan Həmzəyev penalti təyin etməyib. Bundan qəzəblənən “Bakı”nın fanatları oyunun sonlarınadək Həmzəyevi söyüblər. Matçdan sonra isə onlar çimərlik futbolu üzrə FİFA referisini döymək istəyiblər. Polislərin müdaxiləsindən sonra Həmzəyev təhlükədən qurtulub.

“Neftçi” bu qələbəni ən yaxın rəqibi “Xəzər Lənkəran”ın Bakıda AZAL-a minimal hesabla məğlubiyyətindən sonra əldə edib. Lənkəran komandası Kamran Ağayevin zədə üzündən oynamadığı matçda ehtiyat qapıçı Yevgeni Kopilin səhvi üzündən qapısında qol görüb. Kopil topu əlində saxlaya bilməyib və yerə düşən “mərmi”ni AZAL-ın hücumçusu Enyo Krastovçev tora göndərib. Bununla da “Xəzər Lənkəran” lider “Neftçi”dən 4 xal geri düşüb. Oyundan sonra keçirilmiş mətbuat konfransında Lənkəran komandasının baş məşqçisi Mirça Rednik hakimlikdən narazı qaldığını bildirib. O, baş hakim Rövşən Əhmədovu xırda follarla matçın tempini öldürməkdə ittiham edib.

Günün daha 2 matçı ikinci “6-lığ”a təsadüf edib. Bu oyunlarda MOİK təsnifat mərhələsinin ilk dövrəsində olduğu kimi, “Qəbələ”dən xal almağı bacarıb. “Turan” isə “Gəncə”yə qalib gəlib.

13 mart

“Bakı” – “Neftçi” - 0:1
Flavinyo, 8

“Turan” (Tovuz) – “Gəncə” - 1:0
Yasin Abbasov, 27
Qırmızı vərəqə: Patris Nukeu, 38 (“Gəncə”)

MOİK (Bakı) – “Qəbələ” - 1:1
Emin Cəfərquliyev, 55 - Deon Barton, 50
Qırmızı vərəqə: Ramin Tanrıverdiyev, 59 (MOİK)

AZAL (Bakı) – “Xəzər Lənkəran” - 1:0
Enyo Krastovçev, 76

12 mart

“İnter” (Bakı) – “Qarabağ” (Ağdam) - 0:2
Rauf Əliyev, 58. George Adamiya, 74

“Simurq” (Zaqatala) – “Muğan” (Salyan) - 1:3
Mario Santana, 57 - Cavad Mirzəyev, 45. Hüseyn Axundov, 55. George Qulordava, 90+4

	Komanda	O	Q	H	M	Qollar	Xallar
1	Neftçi	23	15	6	2	41-9	51
2	Xəzər Lənkəran	23	14	5	4	28-13	47
3	Qarabağ	23	14	3	6	32-14	45
4	İnter	23	12	4	7	24-18	40
5	AZAL	23	10	9	4	28-16	39
6	Bakı	23	9	6	8	28-22	33
7	Qəbələ	23	8	8	7	20-15	32
8	Muğan	23	8	6	9	17-24	30
9	Gəncə	23	5	9	9	23-28	24
10	Turan	23	4	6	13	18-35	18
11	Simurq	23	2	6	15	13-37	12
12	MOİK	23	1	4	18	7-48	7