Azərbaycan yığmasının rəqibi baş məşqçisini qovdu
15 oktyabr 2010 15:14 (UTC +04:00)

Azərbaycan yığmasının rəqibi baş məşqçisini qovdu

Lent.az-ın “Vesti.kz” saytına istinadən verdiyi məlumata görə, Qazaxıstan Futbol Federasiyası (KFF) millinin almaniyalı baş məşqçisi Bernd Ştorku istefaya göndərib.

KFF-in vitse-prezidenti Viktor Katkov deyib ki, Ştork qarşısına qoyulan vəzifənin öhdəsindən gələ bilməyib. O, artıq yeni baş məşqçi axtarışına başladıqlarını da əlavə edib: “Biz Ştorka əməkdaşlıq üçün minnətdarlığımızı bildirdik. O, yığmanın heyətini gəncləşdirdi, legioner futbolçular dəvət etdi”. KFF təşəkkür əlaməti kimi Ştorka qazax çapanı – milli geyim hədiyyə edib.

Almaniyalı mütəxəssis isə federasiyanın qərarına hörmətlə yanaşdığını və apellyasiya verməyəcəyini bildirib. O, qarşısına 3 xal toplamaq vəzifəsinin qoyulmadığını vurğulayıb.

Qeyd edək ki, Qazaxıstan millisi 2012-ci il Avropa çempionatının seçmə qrup mərhələsində keçirdiyi 4 oyunun hamısında məğlub olub. Orta asiyalılar öz meydançasında Türkiyəyə 0:4, Almaniyaya 0:3, Belçikaya 0:2, səfərdə isə Avstriyaya 0:2 hesabı ilə uduzub.
# 500

Oxşar yazılar